John York | |||
Fødd | 3. august 1946 (77 år) White Plains i New York, USA | ||
---|---|---|---|
Fødestad | White Plains | ||
Fødenamn | John Foley York | ||
Opphav | USA | ||
Aktiv | 1965–til i dag | ||
Sjanger | Rock, countryrock | ||
Instrument | Bassgitar, gitar, oud | ||
Plateselskap | Tribe, Columbia, Debris, Taxim | ||
Verka som | Musikarar, låtskrivarar, plateprodusent |
John Foley York (fødd 3. august 1946) er ein amerikansk bassist og gitarist.[1] Han er mest kjend som medlem av The Byrds. Han vart medlem av bandet i september 1968 då han tok over for den opphavlege bassisten Chris Hillman.[2] Han vart verande i gruppa fram til september 1969, då han vart sparka av dei andre tre medlemmene og erstatta av Skip Battin.[3] Trass i at han berre var med i bandet i eitt år, spelte han bass og song på studioalbuma Dr. Byrds & Mr. Hyde og Ballad of Easy Rider.
Før han vart med i The Byrds hadde York vore medlem i The Bees og Sir Douglas Quintet, samt at han hadde arbeidd som studiomusikar for The Mamas & the Papas og Johnny Rivers.[4] Han var òg bassist i turnebandet til Gene Clark, som òg hadde spelt i The Byrds.[4] Han arbeidde òg med Clark i 1980-åra i bandet CRY.[5] York har òg gjeve ut tre soloalbum.
© MMXXIII Rich X Search. We shall prevail. All rights reserved. Rich X Search